ተውለ

ሓንሳብ ዝፍልሞ ዝዛረቦ ኣለኒ
ናይ ልበይ ናይ ውሽጠይ እቲ ዝስመዓኒ
ምስቲ ዝፈርሖ ሰብ ተራኢኺ ኢሎምኒ
ክሰግእ ጀሚረ ከይምንጥለኒ
እዚ ከኣ ኢዩ ንዓይ ድቃስ ዝኸልኣኒ

ሓንሳብ ዝፍልሞ ዝዛረቦ ኣለኒ
ናይ ውሽጠይ ናይ ልበይ እቲ ዝስመዓኒ
ምስቲ ዝጥርጥሮ ተራኢኺ ኢሎምኒ
ምስቲ ዝፈርሖ ሰብ ተራኢኺ ኢሎምኒ
እዚ ከኣ እዩ ንዓይ ሰላም ዝኸልኣኒ

የዕሩኽ መሓዙተይ ከምቲ ዘዕለሉኒ
ምሳኻ ምሕዳራ ምስ ካልእ ምውዓላ
ኩነታታ ዓርከይ ኩሉ ሕተተላ
መሚኻ ፍለጦ’ቲ ሓቀኛ ምስላ
ኣብዚ ርኢናያ ምስ እከላ ነይራ
ኣይፈጥካን እንበር ተረሲዕካ ኢኻ
እናበሉ ሓንጎለይ ዝርምሮ ኣእትዮምለይ

ይፈርሕ ኣለኹ ነበረ ከይከውን
እዚ ዝበሃል ዘሎ ሓቂ እንተኮይኑ
ዓሚቅ ዝሰረቱ ፍቅርና ከይዓኑ
ፈርከሽከሽ ከይብል ኳና መንደቅ ኮይኑ
ከይሓባእኪ ፍቅረይ እስከ ንገርኒ
ኣብ ኢሎማ ኢሎማ ኣገላግልኒ
ዘይረኣኹ’ሞ ባዕለይ ክኣምኖ ኣይደልን
ወደን ጓላን ኩላ ካብ ኣፍኪ ትሕሽኒ

ኣይትእመኖም ዝበልዎ ኩሉ ሓሶት ኢዩ
ምስ በልክኒ ቅርጸይ ኣቅስንክኒ
ንዓይ እመን ኢልኪ ኣቅሲንክኒ
ወዮ ዝጥርጥሮ ነጻ ኮይኑ